Lân
fan
taal

Sykje as elkenien nei alles mei trefwurd 
Libbensgrutte projeksjes Âldehou.

As statussymboal foar Ljouwert wie de Âldehou te skean en net genôch dien boud. Foar it Lân fan taal is de toer, dêr’t faak oer songen en skreaun is, no krekt in perfekt, dwers ikoan. Hy is boppedat de ideale eftergrûn foar fjouwer fideokeunstwurken, makke troch ferskate, ferrassende kombinaasjes fan (taal)keunstners!

Fan it iepeningswykein fan Ljouwert-Fryslân Kulturele Haadstêd fan Europa ôf is yn 2018 alle 3 moannen in oar grut fideokeunstwurk te sjen, dat op de Âldehou projektearre wurdt. Elke projeksje wurdt troch in trio makke, mei dêrby yn alle gefallen in taalkeunstner (lykas in dichter, rapper, skriuwer of spoken word performer) en in filmer/fideokeunstner.

Keunstners dy’t yn alle gefallen meidogge, binne:
– dichter Tsead Bruinja, sjonger Herman van Veen en fideokeunstner Jules van Hulst (1 feb o/m 8 apr)
– filmmakker/muzykant René Duursma, skriuwer/dichter Rodaan Al Galidi en animator Antonia Rehnen (12 apr o/m 22 july)
– sjongeres/dichter Nynke Laverman, komponist/slachwurker Sytze Pruiksma en fideokeunstner Douwe Dijkstra (26 july o/m 30 sep)

Genietsje (mei in soad oaren) fan taal yn oerweldigjende, ferrassende foarmen en lûden. De projeksjes binne foar elkenien frij tagonklik!

Wêr
Âldehoustertsjerkhôf, Ljouwert

Wannear
Premjêredata: freed 2 febrewaris, 13 april, 27 july en 5 oktober
Hieltiten te sjen fan tongersdei oant en mei snein

  • 1 Febrewaris 2018 25 Novimber 2018
    Libbensgrutte projeksjes Âldehou
    Oldehove, Oldehoofsterkerkhof, Leeuwarden, Nederland
  • 2 Febrewaris 2018 Freed 20:00
    Premjêre projeksjes #1
    Oldehove, Oldehoofsterkerkhof, Leeuwarden, Nederland
  • 13 April 2018 Freed 22:00
    Premjêre projeksjes #2
    Oldehove, Oldehoofsterkerkhof, Leeuwarden, Nederland
  • 27 July 2018 Freed 23:00
    Premjêre projeksjes #3
    Oldehove, Oldehoofsterkerkhof, Leeuwarden, Nederland
  • 5 Oktober 2018 Freed 20:00
    Premjêre projeksjes #4
    Oldehove, Oldehoofsterkerkhof, Leeuwarden, Nederland