Lân
fan
taal

Sykje as dosint nei alles mei trefwurd 

Feest fan taal!

Tuesday 9 October 2018


Hiel 2018 is Lân fan taal al in frijsteat foar álle talen fan de wrâld. Wy fiere de taal mei – meastentiids fergees tagonklike – festivals, projeksjes, eksposysjes en aktiviteiten. Lân fan taal is ek ûnderdiel fan de Re-Opening fan LF2018 en hat in moai programma yn novimber!

Zinspinsels

De bekende berneboekemakker Charlotte Dematons tekene yn opdracht fan de Fryske biblioteken en Lân fan taal de fertelplaat ‘Zinspinsels’. De plaat lit yn tekst en benammen byld sjen wat taal allegearre is. De Fryske biblioteken bringe de plaat-yn-posterfoarm yn ’e hjerst fan 2018 nei de goed 56.000 basisskoallelearlingen yn Fryslân.

Doe’t Bretaal nei Meartalië kaam

In healwize meartalige musical foar groep 8, mei elektryske GiTaal, dêr’t de misbegripen dy om de earen fleane en dêr’t al dy Meartaliaanske bern ek noch yn mei bepale meie hoe it begjint/ôfrint/gaos. Skreaun en komponearre troch Peter Sijbenga en fergees te downloaden/brûken troch alle skoallen, as kadootsje fan Lân fan taal!

Edukaasje – Pû en Fû

Neist in fergese Taal-Kit binne der mear eveneminten en programma’s dy’t foar sawol it primêr as it fuortset ûnderwiis geskikt binne.

Edukaasje – Primêr ûnderwiis

Wêrom bestiet taal? Wat kinst dermei? It ûnderwiisprogramma fan Lân fan taal draait om de needsaak fan taal. En, net te ferjitten: om de leafde foar taal! Op de basisskoalle ûntdekst wat dyn liif fertelt, brûkst de toffe praatplaat fan yllustratrise Charlotte Dematons en kinst oan ‘e slach mei in meartalige musical!

Sjong! Zing! Sing!

Byprogramma

Wat is der no moaier as sjonge yn ‘e klasse? Yn it Frysk, in oare taal of sels meartalich? Skoallen en klassen skriuwe yn 2017-2018 in eigen liettekst, oer harsels en harren omjouwing, en dogge dêrmei audysje foar in talintejacht yn maaie. As warming up wurde skoallen útnûge om mei te sjongen by de offisjele […]

Lân fan Taal-Kit: freegje ‘m no oan!

Monday 17 July 2017


Yn hiel 2018 fiere wy de taal mei fergees tagonklike aktiviteiten, foarstellings en keunstwurken yn Ljouwert en Fryslân. It ûnderwiisprogramma fan Lân fan taal draait om de needsaak fan en de leafde foar taal. Der binne in soad aktiviteiten, ek op skoallen sels.

Taletún

Haadprogramma

De Prinsetún yn Ljouwert is fan 31 maart oant en mei 28 oktober 2018 omtovere ta Taletún, fol aventoeren foar bern fan 0 oant 12 jier, harren âldere bruorren/susters en harren pakes en beppes. Boartersobjekten, ynteraktive ynstallaasjes, spannende rûtes: der is fan alles te dwaan foar húshâldings en skoalklassen!

1ste Frysk Geasteswittenskiplik Kongres

Haadprogramma

In kongres as in taalmenu mei mear gongen, dêr’t taalkundigen en minsken mei niget oan taal graach de tosken yn sette: dat klinkt goed! Alle dagen komt in oar tema oan bod. Wat mear gongen, mei oare wurden dagen, wat mear lagen!

Stimmen fan Fryslân

Haadprogramma

Benijd hoe’t ferskate talen klinke? En de ferskate smaken Frysk? Mei in wiidweidige app kinst dat ûntdekke en in soad kennis oer taal opdwaan. Ûnmisber foar taalfanaten, – kenners en dosinten!

Taal-billboards troch bern

Haadprogramma

Fan ein 2017 ôf dûke yn Ljouwert billboards op dy’t bern skreaun en foarm jûn hawwe. It is it resultaat fan ‘Taal yn Byld’, in projekt fan NHL Hegeskoalle en acht basisskoallen: : IKC Aventurijn, obs Eestroom, IKC de Kinderkoepel, obs De Plataanschool, cbs Prins Mauritsschool, IKC Trianova en cbs Willem Alexanderschool.

Jongereinfoarstelling Karawane

Haadprogramma

“Jolifanto bambla ô falli bambla”. Huh?! Wat? Is dit Spaansk of Afrikaansk? Nee, it binne de earste twa rigels út Karawane, in 100 jier âld klankgedicht fan de Dadaïst Hugo Ball. Hugo en oare Dada-dichters skreaunen dit ‘lûd fan ûnlogika’ om ús ris oars nei de dingen sjen te litten. Te lústerjen.

Ekspedysje Amelân

Nei it fertelfestival yn maaie stiet der noch mear op programma fan Ekspedysje Amelân! Yn ‘e simmer fan 2018 kinst alle brodzige woansdeitemiddeis yn ‘e musea fan it Amelân komme om te harkjen nei – meartalige – ferhalen. Seis ynternasjonale fertellers hawwe harren ynspirearje litten troch it deiboek út 1818 fan walfiskfarder Hidde Dirks Kat. […]

Bliuw op de hichte